ашылған еріндері қарсы алдындағы адамға әлдене деп сөйлеп кеткелі тұр. Бектемір суреттен көзін алғанда, Кәмшәттің жоқ екенін көрді. «Шынында да тамаша сурет,—деді ол ішінен.—Бірақ, қазірде де одан кем түсіп тұрған жоқ!». Біраздан сон, Ермекбай келді. Ол қолындағы қағазға оралған нәрсесін сықырлатпай ауызғы үйге қойды да, Бектемір отырған бөлмеге кірді. «Қайда болдыңыз, мені жалғыз тастап кеттіңіз ғой» деген сияқты бірнеше сұрақтарға өйтіп-бүйтіп жауап берген соң, олар тамақ ішу қамына кірісті. Ортаға дастарқан жайылып, бұрыш қосып қуырылған ет келді. Артынша байбаламын салып сары самауыр жетті. Сонан соң дастарқандағы барлық астың бірін де менсінбей «ақаң» келіп Ермекбайдың қасынан орын алды. Мұны көрген Бектемір шошып кетіп, қазір жол жүргелі отырғанын, сондықтан арақ ішудің жөні келмейтіндігін айтып, ат-тонын ала қашты. Бірақ мұның бәрін жай сыпайылыққа жорыған Ермекбай оның қарсылығын «дұрыс қой, дұрыс қой» деп тыңдай отырып, қырлы стаканға арақтан асықпай құя берді. Енді Бектемір өзінің денсаулығына шағым жасай бастады. Дәрігерлердің оған екі жылға шейін ешқандай ішкілік пайдаланба дегенін, сондықтан арақ түгілі сыраны да ауызға алмайтындығын айтты. Сонан соң, шай құйып отырған Кәмшәт араға килікті. — Қой Ермекбай, қинай берме ол кісіні. Науқасы болса жақпайтын шығар. «Науқасы болса» деген сөз Бектемірге қолайсыз тиді. Ол жас келіншекке «е, сырты жылтырап жүргенмен сырқаты бар екен ғой байғұстың» деген сияқты өзіне аяушылық көрсеткен ой қалдырып кететін болғанына намыстанды. Сол себепті ол әлгі сөзін қайтарып алып, жонып-жонып жібергісі келді. — Жо-жо. Ауру дегенде, пәлендей алып бара жатқан ештеңе жоқ. Денсаулықты бұзады деймін де. Бұ құрғыр кімге жағады. Сәл үнсіздіктен соң Ермекбайға: — Ештеңе етпес, тек аздап қана,— деді. Олар шай үстінде көңілді сөйлесіп, отырды. Анда-санда «е, солай деңіз», «апырмай-ә», «ия, сонымен» деп әңгіме желісін кернеп қойғаны болмаса, Ермекбай тек тыңдаушы боп отырды. Бектемір сөзге де шебер екен. Қай тақырыпқа тізгін бұрса да кісіні желпіндіріп, айызын қандырып тастайды. Бектемір колхоз өмірінен бастап, жер жүзіндегі уақиғаларға да тоқталып отырды. Ол Кеннедидің қастандықпен өлтірілгендігі жайлы, Фидель Кастроның біздің елге келетін сапары жөнінде айтты. Айтқанда сырт адам сияқты емес, дәл соның бәрін көріп келгендей, өзі ішіне араласып жүргендей айтады. Сонымен бірге ол реті келгенде атақты-атақты жазушылардың есімдерін атап, олардың кейбір өзі оқыған шығармаларынан үзінділер келтіріп те отырды. Алғашында Кәмшәт, мұның бәрін ол мақтаныш үшін айтып отырған шығар деп ойлады. Осы ойының растығын дәлелдемек боп ол әңгімешінің жүзіне бірнеше рет ұрлана көз тастады. Бірақ Бектемірдің бет пішінінен ешқандай мақтаныш нышанын байқай алмады. Ол қажетті жерінде езу тартып, қажетті жерінде салиқалы пішін сақтап отыр. Кәмшәт байқап қалды. Бектемір салауатты бір әңгімеге кірісер алдында оң жақ қасын
Pages: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66